O asistente de IA que fai o traballo
Os chats de intelixencia artificial explícanche como facer as cousas. Trinity faias, no teu ordenador.
Máis ca un chat
Trinity abre o teu programa de facturación e enche a pantalla, escribe a carta en Word, prepara a resposta no teu correo ou busca na web da Seguridade Social. O que farías ti, pero de palabra.
Fálaslle coma a un compañeiro, coas túas présas e os teus xeitos, e entende o que queres aínda que non o digas coas palabras exactas.
Un cerebro propio, rápido e en Europa
Trinity pensa nun servidor propio na Unión Europea, preparado só para ela. Por iso contesta nun ou dous segundos aínda que o teu ordenador teña os seus anos.
No teu equipo só están a súa xanela, o micrófono e as «mans» que levan os teus programas: ocupa uns 700 MB de memoria e non precisa tarxeta gráfica.
Aprende os teus programas, e cada día sabe máis
Co programa diante, dille «aprende este programa»: percorre os seus menús sen tocar nada e dende ese momento lévao de palabra.
O que unha Trinity aprende a levar, sábeno todas, versión a versión. Compártese como se leva un programa, nunca o que hai dentro: nin os teus datos, nin as túas pantallas, nin os teus contrasinais.
Como traballa
- 1Pídeslle
Falando ou escribindo, como llo dirías a unha persoa. - 2Enténdeo
Sabe que queres, en que programa e con que datos. - 3Prepárao
Abre o que faga falta e déixao feito na túa pantalla. - 4Ti decides
Dite que vai facer e agarda o teu «si» antes de gravar ou enviar.
Trinity fronte a un chat de IA
| Un chat de IA | Trinity | |
|---|---|---|
| Explícache como facer unha factura | ✔ | ✔ |
| Fai a factura no teu programa | — | ✔ |
| Escribe a carta e gárdaa en Word | — | ✔ |
| Prepara as respostas no teu correo | — | ✔ |
| Enche formularios da Administración | — | ✔ |
| Escóitate e contéstache de viva voz | ás veces | ✔ |
| Pregúntache antes de gravar, enviar ou pagar | — | ✔ |
Fala con Trinity agora
Próbaa de balde no teu navegador ou no móbil. Sen rexistrarte.